UMASIPALA waseMatatiele wamkele umphathi omtsha uMothusi Lepheana kuleveki nalapho evakalise umbulelo wakhe kubunkokheli bukamasipala ngokumnika ithuba lokusebenza kufutshane nekhaya.

Uthe eyona nto ibalulekileyo asikokujonga apho umntu avela khona, kodwa ukujonga ixabiso, ifuthe negalelo aza nalo emsebenzini.

Uphinde wathi eyona njongo yakhe iphambili kukusebenza nzima ekwakheni umasipala waseMatatiele ngcono, kwaye aphuhle, esebenza ngokuzinikela ekuseni iinkonzo ezisemgangathweni.