NOLUVO MGIJIMA
UMKOMISHINALA wamaPolisa kwisithili saseOR Tambo uMajor General Norman Modishana uncome amapolisa akuQumbu kwiinzame zawo zokuncothula neegcambu ubusela bemfuyo.
Oku kuza emva kokuba kubanjwe umrhanelwa (26) kwingingqi yaseBlackhill emveni ngokufunyanwa neegusha ezilishumi ngolwesithathu.
AmaPolisa aleqe kwindawo yesiganeko malunga namadoda aqhuba umhlambi weenkomo ezintlanu. Abambe umrhanelwa omnye, ukanti omnye uye wabaleka,” atshilo amaPolisa.
Ngokophando lwamaPolisa kufunyaniswe ukuba abarhalelwa babandakanyeka kulwebiwo lweenkomo kwingingqi yaseLwandlana KwaBhaca.
Oko kuye kwakhokelela ekubani amaPolisa enze uphando nalapho kuye kwafunyanwa iigusha ezilishumi, nekutyholwa ukuba zazibiwe eSulenkama.
Xa kusenziwa uphando kufumaniseke ukuba ezinye iinkomo ezintathu sele zithengisiwe zathunyelwa eNqanqarhu.
