ABAHLALI baseKokshill naseJames, e-Ibisi, kulindeleke ukuba baxhamle kuphuhliso lweendlela ezimbini eziza kwakhiwa ngumasipala waseMzimkhulu.

Usodolophu walo masipala uJabu Msiya ukhokele iintlanganiso zokwaziswa ngokusesikweni kwekontraka ezakwakha ezi ndlela zimbini. Lemisebenzi kulindeleke ukuba igqitywe kwisithuba seenyanga ezintandathu.

Ezi projekthi zijolise ekuphuculeni ukuhamba kwabantu, ukwenza kube lula ukufikelela ezikolweni, ezicaweni nakumangcwaba oluntu, kwakunye nokudala amathuba emisebenzi kubahlali baloo mimandla.

Kulindeleke ukuba kuqeshwe abantu basekuhlaleni.